Sapate Project

PSB Bank - Sapate Housing Project

 

Wak un gallery di potret di e kasnan 

 

 

 


Informashon básiko Proyekto Sapaté

Kantidat di kas:
Modèl A:   4
Modèl C: 28

Repartishon di kas:
Modèl A: 2 kamber I 1 baño
Modèl C: 3 kamber I 2 baño

Ta bon pa nota aserka ku tur kas ta bini ku nan kushina i baño moderno instalá. Tambe kada kas lo wòrdu entrega ku su kura di waya.

Grandura di kas:
Modèl A: 117 m2
Modèl C: 137 m2

Grandura di tereno (erfpacht):
Entre 450 m2 pa 600 m2

Preis di kas:
Early Bird special pa e promé 2 kumpradó nan di modèl A i 8 kumpradó di modèl C ku wòrdu aprobá
Modèl A: 219.000 k.k.*
Modèl C: 249.000 k.k.

Sobra kasnan lo wòrdu bende for di:
Modèl A: 229.000 k.k.
Modèl C: 259.000 k.k.

*Esaki ta enserá ku gastu nan atministrativo, notario i seguro ta pa kuenta di e persona ku kumpra un kas. Pero nos ta evaluá si  por inkluí e gastu nan adishonal  den e montante ku e persona ta fia.

Rekisito nan pa por apliká:
Ta e mesun nan ku ora di un hipotek, numa aki nos tin ku tene kuenta ku ta un proyekto PPP i tin sierto restrikshon.

Algun informashon adishonal importante:

  • Dor ku ta un proyekto di PSB, no ta posibel pa un kliente haña un hipotek na otro instituto finansiero pa e kasnan na Sapaté. E mester tum’é na PSB i ta keda mará tambe na PSB pa un periodo di por lo ménos 5 aña.
  • Tur kas lo wòrdu konektá riba un sistema di riolering general. Esaki ta nifiká ku lo no bai tin nesesidat pa un berpùt òf zenkpùt den e kura nan.
  • E kasnan modèl A ta wòrdu traha di forma modular. Esaki ta nifika ku modèl A por wòrdu ekspandé pa bira modèl C.

 

 

 

Klik akinan pa wak un gallery di potret di e kasnan 

 

 


Pregunta nan ku por bin dilanti

Kiko K.K.(Kosten Koper) ta nifiká?
Gastu nan di kompra di e propiedat ku e kumpradó ta responsabel pe. Esaki nan por ta gastu nan di Notario, registrashon, stampia etc.

Por hasi kambio na e kasnan su interior/eksterior?(p.e. kura, muraya, kushina, baño, ekspanshon di kamber, ekspanshon di kushina, ekspanshon di sala etc.).
Por hasi kambio nan dentro di e límite nan pèrmití pa ku e proyekto. Gastu nan mara na esaki lo ta pa kuenta di e kumpradó.

Ki tipo di garantia ta wòrdu duna riba e kasnan?
Esaki lo wòrdu definí i presentá na e kumpradó den e kombenio di kompra i benta.

E kasnan ta bin ekipá ku koriente 110V/220V?
Tur kas lo bin ekipá ku tantu 110V komo 220V.

E tereno nan ta tereno propio òf erfpacht?
Tur tereno ta erfpacht.

Tin posibilidat ku lo mi por kumpra mas ku 1 kas?
E mesun persona lo no por kumpra dos òf mas kas.

Ken ta esun ku ta disidí riba eskoho di Notario?
E kumpradó ta esun ku por hasi e eskoho aki.

Mi por hür e kas na un terser persona?
Ta posibel semper pero solamente ku aprobashon previo di PSB Bank.

MI por uza e kas komo un lugá pa habri un negoshi?
No ta posibel, e área ta un área residensha i e ta un proyekto PPP pa kual ta konosí ku Gobièrnu ta pone e tereno disponibel netamente pa vivienda

Kon e waya nan di koriente ta pasa?
Tur waya nan di koriente ta pasa bou di tera pa un bunita bista.

E kasnan ta risibí tratamentu kontra di ongedierte? Ken ta responsabel pa esaki?
E terenonan tur a wòrdu di spùit kontra ongedierte, manera esaki ta usual ora ta traha un kas. Ta keda na kada kumpradó si e ke bolbe spùit òf no òf hasi esaki mas grondig.

Kiko lo hasi na e infrastruktura rondó di e kasnan?
E infrastruktura ku ta enserá e kaya nan i lusnan di kaya lo wòrdu proveé dor di PSB Bank mes.

Link Woning PSB Model C

Link Woningen PSB  Model A